許志安Deep V透視底睇

歌手許志安一連四晚於紅館舉行的《Come On許志安演唱會2015》前晚開鑼，安仔身穿黑色Deep V透視裝登場，透出黑色打底褲及健碩肌肉，性感誘人！他邊跳邊唱多首快歌，再大跳勁舞。

Fiona乾安仔濕

換上銀色西裝的安仔表示多年來一直摸索做男人的責任，自覺比以前多了一份承擔和安全感，之後，他與嘉賓薛凱琪（Fiona）合唱《如何可以不愛他》，Fiona說：「點解你着呢套衫嘅？點解唔着得條底褲嗰件衫？」又謂對着他太緊張會口乾，安仔就大講黃色笑話：「我想我啲拍檔同我講見到我好濕o架，把聲！」

安仔要在舞台的橋（箭嘴示）上行來行去，令他腳震。	行來行去	安仔依偎着深情演唱的薛凱琪！

到安仔拖着楊千嬅出場合唱《會過去的》時，感激千嬅一口應承當嘉賓：「我覺得喺呢行賺咗好多，係感情嘅累積。」當安仔扶千嬅落台時，她說：「你都知我唔方便哩！」安仔表示「唔知」時，千嬅說：「我唔係有咗，你唔使驚，我係着高蹺（高跟鞋），唔係好穩陣啫！」

薛凱琪	嘉賓楊千嬅跟安仔合唱，不失大笑姑婆本色。	安仔與女dancer共舞。

直認已經結婚

其後安仔受訪，指今次演出有很多突破，如畏高的他要站在約卅多呎高的橋上唱歌：「上面望落去有幾層樓高，但為咗個效果驚都冇辦法。（你條打底褲太粗邊，服裝又太多布？）夠o架喇。（冇脫掉喎！）我冇呢隻歌吖嘛，你真係當咗我係杜德偉咩！」至於與女dancers缺少纏綿舞步，安仔笑言：「拍戲可以去到好盡，今次好隨心，想做啲同以往唔同嘅嘢。」之後問安仔是否已婚？他直認說：「係呀。（幾耐？）唉呀，講講吓演唱會又轉移視線。」

文：音樂組