張繼聰呻窮 遭老婆夾帶私逃
張繼聰昨日以代言人身份出席手機App發布會，「寸嘴Barbie」夏尉喻及黃夏蕙均有現身。阿聰笑言平日與太太謝安琪（Kay）購物時會儲印花孝敬母親，即被記者取笑有師奶習慣，他解釋：「我從來唔儲，儲嚟唔係自己用，通常送畀媽咪、外母，好似好孝順咁，盡量喺呢啲位攞番少少分。」
阿聰透露近日獲邀拍多個廣告，問是否豬籠入水？他笑稱所有錢都交老婆看管，更指身在荷蘭拍新劇《殭》的Kay「夾帶私逃」：「佢留低一、兩千蚊零用錢畀我，唔知佢幾時返，好驚！一陣都要搭巴士走。」他又謂最近忙做舞台劇，五月初又要到上海拍電影《葉問3》的武打戲。