阿B捧愛女 歌藝職業級
歌手鍾鎮濤（阿B）與女兒鍾懿早前為內地節目《中國爸爸》合唱主題曲《爸爸，我來了》，阿B直言鍾懿和鍾幗獲邀參加親子真人騷，但笑言擔心辛苦而推掉：「因為要我湊，香港慣咗有菲傭幫手，洗衫煮飯唔使我做，加上佢要擺多啲時間讀書，佢鍾意唱歌、上台，但唔係拍嘢。」語畢鍾懿即細細聲糾正：「我鍾意拍嘢。（想做歌手？）都想，但我鍾意拍戲多啲。」
而鍾懿客串電影《東成西就2011》時，被戲中鬼怪嚇到尖叫狂奔，令她不敢再拍恐怖片，她說：「我想拍《小飛俠》（Peter Pan），我想飛！」阿B即笑謂：「吊吓威吔你就知味道，你以為好好玩呀！」對於鍾懿的歌藝，阿B大讚有職業級水準。