Stephy開波唔認老
排球女神鄧麗欣（Stephy）率領旗下排球隊與世界級球員對戰時，使出一招「鬼影變幻球」扣殺對手，在球證偏幫下，最終打和完場。身為隊中的「大家姐」、31歲的Stephy為證明寶刀未老，實行搏到最盡，更揚言：「唔可以輸畀啲小妹妹！」
歌手鄧麗欣（Stephy）昨早現身商場，出席「世界女排大獎賽香港站2015」記者會，並率領自組排球隊Loey越級挑戰，即席與前中國女排名將孫玥、趙蕊蕊及香港代表隊成員打友誼賽。開波前，Stephy不忘跟兩位前女排代表合照，由於名將身高六呎以上，合照時約5呎5吋高的Stephy站在中間，組成一個「凹」字，高矮相映成趣！Stephy還笑言站在趙蕊蕊旁邊感壓力：「我望過去就見到佢胳肋底！」
招募捱得苦隊員
比賽期間，因雙方實力有差距，球證就規定趙蕊蕊那隊不可跳起殺波，Loey則可自由發揮。雖然有球證「偏幫」，但Stephy並沒鬆懈，打出超水準，更出盡全力扣殺、攔網及瞓身救波，最終Loey拼盡全力與對方打成平手！受訪時，Stephy透露昨日首次正式帶隊出賽，但早前有幾位隊員因訓練辛苦而離隊，同時為推廣排球，所以有意為球隊舉行公開招募活動，希望熱愛排球的人加入：「我哋一星期練兩次波，做好多體能，教練有時會惡啲，真係要受得苦。」
「唔輸畀小妹妹」
當記者提到Stephy打友誼賽時很落力，她即笑言自己在隊中最年長：「要證明畀大家睇我係寶刀未老，自己做好多體能，唔可以輸畀啲小妹妹。」問平時可有經常留意球壇？她表示超愛排球，尤愛中國女排，每年都會欣賞世界女排大獎賽：「見到中國隊輸會喊o架！」她又自爆從小已看孫玥打排球，更非常留意趙蕊蕊，自覺能跟世界級球員打排球感榮幸。
文：音樂組