劉松仁認與秋官少聯絡
汪明荃（阿姐）「閃爆」現身，與劉松仁（松哥）及一眾小花宣傳無綫新劇《華麗轉身》，期間阿姐獲粉絲送贈蛋糕，又有人舉牌支持，搶鏡非常。而近日熱爆的「方進生」松哥被傳與鄭少秋「爭女」結怨40載，老練的他表示笑罵由人，且笑謂：「又正又後生嘅都畀晒秋官啦。」又指《大》劇之後未有與秋官合作，兩人亦少聯絡。
無綫今晚推出新劇《華麗轉身》，為配合宣傳昨晚特意安排一眾演員悉心打扮出席首播會，除阿姐「金光閃閃」外，小花王君馨、黃心穎及李璧琦亦性感到場，後者更以透視裝谷3吋事業線，令現場氣溫飆升。缺席的鍾嘉欣則被捧出紙板公仔做「代表」，場面相當熱鬧。首播會中播出精華片段，包括嘉欣BB赤膊浸溫泉及方力申露上半身表演「震波」等。
入行49周年切蛋糕
戲中扮演著名歌手的阿姐恍如女王出巡，獲大批粉絲到場舉名牌「吶喊助威」，更推出蛋糕預祝偶像明年入行49周年及《華》劇收視節節上升。阿姐見狀開心謂：「可能佢哋餓劇啦，我去年冇劇出嘛。（好閃？）假嘢，係配合角色需要啫。（外傳劉松仁鄭少秋因為爭同你合作，所以結怨40年？）唔知，唔清楚，一切係睇公司安排啫，你哋（記者）講緊《大時代》咋，咁我同松哥合作嗰幾次，收視成績都唔錯。」談到入行49周年，阿姐表示暫未有慶祝活動，但笑言相當佩服自己的堅持：「打份工打咁耐，真係好少有。」
冇得爭，邊夠佢爭
松哥因「神劇」《大時代》重播掀起熱潮即被翻舊帳，指當年因爭與阿姐合作，令他與鄭少秋不和。松哥聞言即打趣說：「冇得爭啦，邊夠佢爭？我同阿姐合作過3部，我幾十年先拍一部（劇）之嘛，又正又後生嘅都畀晒秋官啦。係你哋（記者）寫之嘛，得啖笑。」不過他坦承自《大》劇後未有與秋官再合作，彼此私底下亦甚少聯絡及約飯局，談到被指當年因不滿秋官而缺席該劇宣傳，松哥笑謂：「咁耐嘅事唔記得……嗰時我好似唔喺香港，去咗加拿大。（有冇興趣拍《大》劇電影版？）冇，我唔鍾意重拍，第二個古仔就可以考慮。（唔驚又傳你兩個不和？）講咪講囉，幾十年嘞，都唔怕人講。」
文：影視組