趙茜醉易笑一杯即冧

曾拍荷里活大片《變形金剛：殲滅世紀》的大陸女星趙茜，前晚出席香檳晚宴時，表示自己酒量差：「飲一杯就醉，飲醉酒時仲會不停笑，啲人以為我有病，哈哈。飲香檳都可以，可趁今晚練吓酒量，（有冇試過畀人逼飲酒？）試過一次喺大陸出席活動，啲人以為我好飲得，經理人已經幫我擋駕，最後都被迫飲咗一杯先走得，點知十分鐘就醉咗。（荷里活拍戲時有冇試過同樣經驗？）遇見嘅外國人都好識尊重人，未曾試過。」

飲酒面青變面紅

同場還有恒生新抱何倍倩、名人周國豐與太太黃泳霖等，何倍倩自認酒量好，自從生BB後，感覺身體較前好：「以前愈飲愈面青，第二日都依然面青青，但做咗媽咪後調理身體，依家飲酒會面紅，感覺紅粉緋緋。」她較喜歡飲甜味香檳，老公則愛飲紅酒，家中有個酒窖儲了不少心頭好，她稱老公特別愛儲一些舊酒，笑言有些年份，耐到她也不敢飲用。她說自小家人便教曉她飲酒，就是怕她醉酒後會蝕底，故她也準備給現時五歲的兒子Lawrence自小培訓，希望他保護自己之餘，也可以保護身邊的女仔。

何倍倩表示會培訓子女酒量。

周國豐夫婦教仔，一個陪玩，一個陪讀書。

周國豐愛陪仔玩

而周國豐透露剛從米蘭返港，首次出席當地的大型傢俬展，笑言四日三夜行程，已教他非常掛念在港的兩子，說自己主要陪兒子玩，讀書交由太太負責，他又愛跟兒子講道理。

文：名人組