千嬅化身王后會歌迷

楊千嬅日前與歌迷會在酒樓舉行年度聚會,今次是千嬅入行20周年紀念,主題為「雙十年『嬅』群英聚」。場地布置成宮廷feel,台上有龍椅,更有歌迷化身「宮女」。千嬅甫入場,全場300人高呼「王后吉祥」送驚喜,惹得她哈哈大笑。千嬅邊食點心邊欣賞歌迷唱歌表演,玩遊戲時有男歌迷講錯千嬅生日被全場噓爆,千嬅笑言:「你係咪入錯會呀?」

千嬅自言細個媽咪常帶她到酒樓飲茶:「呢啲回憶我感受好深,做咗媽咪後成日帶個仔周圍去,希望佢有多啲童年回憶。我好感恩有個咁好嘅屋企,大家明白我依家工作都以家庭行先,做媽媽、太太和女兒。過咗40歲發覺人生路程縮短咗,選擇呢條路就要負責任。任性瘋狂每個人都試過,但早啲睇清楚方向係福氣。」