Chilam唱完生日歌送別外婆
歌手張智霖（Chilam）昨日「百無禁忌」趕喜慶加白事，朝早唱完「生日歌」，下晝則現身殯儀館送別外婆，晚上還出席春茗活動，Chilam形容整日心情跌盪，但明白人生就是面對悲歡離合。
Chilam聯同關心妍、鄭欣宜、車婉婉等十多位歌手昨日為唱片公司拍攝《Happy Birthday》生日歌的MV，Chilam接受訪問時表示心情興奮因全公司歌手一齊拍攝，但另一方面這天心情很跌盪：「因為完咗拍攝，會去殯儀館，因外婆仙遊咗，佢95歲係笑喪嚟，好難調節心情，因為去完靈堂又會去一個春茗活動，但人生縮影就係咁多悲歡離合。」
可有想過推掉春茗演出？Chilam坦言：「覺得唔需要推，人生就係咁，大家都明白生老病死係人生必經嘅事嚟。」可有向兒子講外太婆過身？Chilam稱:「呢個都係一個生命教育，有同佢講，佢都似明白係咩事。」
封靚靚股神
談到最近股市狂升可有斬獲？Chilam笑言：「靚靚佢好勁，佢係有幾廿次嘅浪都唔會放，佢真係長擺o架。（今次都唔放？）冇喎，好犀利完全置諸度外。（佢係唔理嗰隻？）係呀，港交所五十幾蚊買都唔理，都冇放，所以真係股神嚟。（咁你呢？）我係正常，有買有賣。（賺幾多？）ok啦，請到大家食飯。」講到無綫抽起播《衝上雲霄Ⅱ》改播《大時代》，Chilam說：「其實TVB好有心，警惕大家唔好得意忘形，係好嘅，唔好誤會佢一番美意。」
而Chilam完成拍攝約下午四時半與太太袁詠儀（靚靚）一身黑素服現身香港殯儀館，Chilam表示外婆已95歲：「係正常生老病死，老人家喺上星期肺炎走。」Chilam稱近年因外婆住在老人院，過時過節都會見面。而Chilam的舅父曹查理、好友邱淑貞、蔡一智、謝天華夫婦等先後到靈堂致祭。
文：音樂組