祖兒嫌封胸嘥料愛原汁原味
樂壇天后容祖兒（Joey）前晚以露腰裝，於節目《今晚睇李》中獻唱將於無綫播映的內地劇《武則天》主題曲《女皇》，令觀眾聽出耳油！。Joey更激讚歌詞美妙：「三分鐘講晒（武則天）一生！」一有時間就煲劇做功課的她，被問到想看「大頭版」或「小背心版」劇集？她笑謂想睇性感版：「（封胸）有啲嘥，最想睇原汁原味版。（心郁試穿『谷胸』古裝？）礙於身材做唔到！」
Joey又表示日前於北京緊貼金像獎直播，事後亦有安慰蔡卓妍：「佢行到呢步已經好唔容易。（建議佢再搏啲爭獎？）佢已經不斷求進步，唔一定淨係挑戰尺度。」自言泳術水皮的Joey，透露將亮相內地節目並以潛水衣密實上陣。記者建議她找來男友「師兄」劉浩龍教習泳，她聞言自爆已找中學師姐作導師。