賴建國昏迷送院太太籲好友聲援
曾為無綫執導過不少經典劇集、1990年因拍劇集《我本善良》而曾跟當時有份演出的黎美嫻擦出愛火的導演賴建國，昨日被指於台灣家中昏迷送院，其太太隨即通過微信朋友圈等途徑呼籲各界朋友錄聲，希望鼓勵昏迷的丈夫盡快甦醒，而錢嘉樂、邵美琪亦有轉發訊息。
賴建國曾是無綫監製李添勝的製作助理，添哥指聽到同事說賴建國昏迷一事，他謂：「我係好間中先撞到佢，之前聽同事講佢有糖尿病。」
天華 ：望佢快啲醒
而於2012年曾與賴建國合作劇集《英雄》的謝天華，指當時賴建國是總導演，那時身體都精神的，天華說：「我唔知佢有乜嘢病，今日先知佢咁樣，希望佢快啲醒番。」與他素有交情的鮑起靜老公方平則表示：「希望佢快啲好番啦。做電視真係好辛苦，大家應該好好愛惜身體。」未知是否工作太過頻繁關係，賴建國近年被發現消瘦不少，年逾60的他不復當年風采，健康狀況一直令人擔心。
至於曾跟賴建國合作過電視劇《玲瓏局》的余文樂，得知消息後表示：「希望導演平安，大步檻過，早日康復！」導演馬楚成則跟賴建國識於卅年前，昨得知對方昏迷，即表示：「佢係一個脾氣、人品都好好嘅人，希望佢快啲醒番。」