方力申自爆多股票揸手

汪明荃、劉松仁、鍾嘉欣及方力申等昨晚出席「華麗轉身 閃爍登場」以演唱會形式宣傳新劇《華麗轉身》。

方力申大讚阿姐、松哥收視有保證,提到松哥主演的《大時代》重播,小方說:「唔敢睇!我有好多股票,驚睇咗會跌。(有咩買股策略?)望一鋪發達,牛市嚟啦!(身家暴漲?)啱啱打個和咋。」他又教嘉欣買股說:「買冧巴唔使識,買咗擺喺度,升跌都唔放,留嚟煲醋!」

松哥自言有買股票,亦沒有中過丁蟹效應,提到開演員群組氹阿姐,他說:「阿姐辛苦,我關心佢、服侍佢,幫佢買嘢食!」阿姐說:「台灣外景時我中暑,同事為我準備中藥,我唔食嘅!但松哥話:『我陪你食啦!』我咪食囉!」另外,鍾嘉欣拒回應傳與伍允龍分手一事。