無綫食住上開拍電影《大時代》

無綫有感近日中、港兩地股市波動大，成為市民熱話，故有意食正條水開拍股市題材的《大時代》電影版，並起用原班人馬上陣，靈魂人物「丁蟹」鄭少秋及演「方展博」的兩屆金像影帝劉青雲缺一不可。

陳凱琳香香中選

女角方面，據知無綫心水為上位花旦陳凱琳（Grace）及岑麗香（香香），Grace在《四個女仔三個BAR》中演技受讚，香香則形象入屋，有觀眾緣，更被影到吃道具餸都吃得津津有味，演新版「慳妹」一角定必入型入格。

無綫早前宣布重播神劇《大時代》，「丁蟹效應」一出，恒指即有下瀉迹象，不過一日即收復失地，昨日收市升755點，報27,850點，故丁蟹效應亦宣告失靈！而昨日深宵正式重播《大》劇，收視更報捷，該劇平均收視5.6點，獲超過36萬觀眾支持，最高收視為劇集開始的一部分，錄得6.4點收視，超過42萬觀眾收看，撼贏晚間新聞最後一部分的6.2點收視，亦跑贏剛重播完的《衝上雲霄》最高收視5.9點，該劇更創下近十年來深夜時段最高收視紀錄。

岑麗香	劉松仁為氹汪明荃，笑言落力服侍。	藍潔瑛演《大時代》時，靚絕五台山。

神劇全靠韋家輝

秋官昨日受訪時，對於「失靈」之說笑謂：「呢句應驗劇中對白，『一句到尾：升！』但同時都慘，我驚以後套劇再重播就冇人再注意我。」他認為重播收視高開，最大功勞是監製韋家輝，有捧自己場的他力讚劇集吸引力仍大：「好感激韋家輝畀個咁富裕角色我，劇入面個個角色都吸引到人，被視為神劇有原因，仲有『靚絕五台山』藍潔瑛真係好靚。」

秋官說當年接劇時心大心細，因角色火爆、誇張，曾遭太太及粉絲反對，擔心觀眾接受不來更破壞他經營多年的大俠形象：「諗通後就想作新嘗試，用誠意同演技去做，估唔到創造到奇迹出嚟，所以呢套都叫係我嘅代表作。」而劉青雲亦表示對重播反應好感高興，但未有收看重播。

劉松仁重睇都喊

而飾演青雲父親的劉松仁，昨晚宣傳《華麗轉身》時表示收到很多好友電話大讚，對網友讚他展現神級演技，松哥說：「都OK，自己睇番都喊，劇本寫得幾好。」同樣有份參演的藍潔瑛，昨日對收視高開卻問非所答：「好多人整啲污穢嘢畀我，你唔好再打畀我啦！大家乾淨啲！」令人摸不着頭腦。而監製韋家輝則對多年前作品仍獲觀眾喜歡感高興，他說：「當年用倒敍方法拍，開頭就掉啲仔落街幾冒險，估唔到今日會成為經典。」

文：影視組