曾江含淚首攞男配

資深演員曾江憑《竊聽風雲3》首奪「最佳男配角」，賽果宣布一刻全場掌聲雷動。見慣世面的曾江上台致詞時亦不禁激動到眼濕濕，且聲震表示：「香港電影人士用心用力令金像獎搞得轟轟烈烈，我好多謝佢哋，亦好多謝多年嚟嘅合作夥伴對我嘅包容，更要多謝觀眾一直支持我。多謝上天畀我健康，有健康先可以拍戲，亦希望佢（上天）繼續支持自己。」曾江太太焦姣於台下聽到眼濕濕。