冼國林開戲 力捧周嘉莉

前亞視藝員周嘉莉昨日偕冼國林出席美容店開幕，透露以逾五位數任品牌代言人。嘉莉加盟國藝娛樂後，獲老闆冼國林揼本力捧歌、影、視三棲發展。冼國林笑謂：「依家先知搵名師學唱歌好貴，一個禮拜學兩堂，一個月就我成份糧，年底會出歌，兩年內開拍三部電影，包括動作片、時裝片及笑片。」
周嘉莉
周嘉莉

嘉莉則大讚冼師傅親身上陣教功夫，問到會否感壓力？她說：「如果離開亞視時未搵到公司仲大壓力，依家鬆晒。冼師傅都好關注亞視情況，佢話如果亞視有節目或製作要支持、贊助，佢都會幫忙。」三月尾約滿亞視的嘉莉，又否認遭拖欠薪金：「佢哋計好所有嘢就會call我返去攞，都唔好畀壓力佢哋，冼生可以借錢畀我。」

周嘉莉大讚冼師傅對新人有心機，親身上陣教功夫。
  • 周嘉莉大讚冼師傅對新人有心機，親身上陣教功夫。