秋官信自己：升！
股市「明燈」劇《大時代》明晚（周一深夜）首播，但前晚夜期太跌，預算明日開市「凶多吉少」，應了「丁蟹效應」，唯鄭少秋仍力撐股市會升。談到囡囡欣宜指自己戶口曾得26蚊，他即說：「點解佢唔搵我？」
藝人鄭少秋（秋官）、區瑞強和王馨平前晚在將軍澳電視城為無線節目《Sunday靚聲王》錄影。秋官甫出現已成為焦點，由於其主演的《大時代》已造成多次「丁蟹效應」，不過《大》劇明晚才首播，但歐美股市已於上周五急跌，道指曾跌逾200點，恒指夜期更插近700點，預算周一開市後，香港股市會相應下跌。秋官一見記者，已搶先說：「一句到尾，升！（你套《大時代》未播已經開始跌！）係咩？（周五都跌喎！）獲利回吐！」還稱自己一點也不怕：「大把貨o係手呀，阿爺都想個市好，多多錢落o黎香港。」
反問欣宜唔問爸爸攞錢
談到欣宜早前在訪問中提起被誤會是有錢女，其實她要35歲時才能動用母親沈殿霞6000萬遺產，最窮更試過戶口只餘26元。秋官回應指囡囡好硬頸，不肯問自己拎零用錢：「點解佢唔搵我？我同過佢講有需要就搵我，我都有畀過少少零用錢佢，唔係靠老竇可以靠邊個？傻更更嘅！」
區瑞強則透露5月底的「登6」演唱會，除邀請了曾志偉、陳百祥、李克勤等好友做嘉賓，還有殿堂級民歌組合Peter, Paul and Mary的Peter Yarrow來港，又指之後會與對方合唱4、5首歌。
文：影視組