祖兒獲師兄讚靚
天后容祖兒昨日到電台宣傳新碟，不少歌迷拿着其新碟自拍照上載到她的微博，祖兒稱之前曾作過呼籲，現收到過百歌迷的照片，覺得是很大鼓勵。新碟有戴頭紗的造型，男友劉浩龍（師兄）可有讚靚？祖兒笑言：「問吓佢邊日冇讚過我靚好過！（有冇人催婚？）嫁咗啦，嫁咗畀音樂，真係未諗住，等多陣先。（媽咪冇催？）你哋催多啲，媽咪叫我相處吓，再觀察吓先。」
提到在社交網上載打籃球照，祖兒稱為內地真人騷做準備，覺得可透過運動同細佬、朋友聯絡感情。與師兄先後上載打波相果然好開心？祖兒開心說：「咁搵啲識嘅朋友教啫，慳番啲教練費。（師兄打波時好Charm？）打波做運動嘅人都比較Charming嘅！」