李亞男婆媳同住關係好

藝人李亞男昨日出席活動時，對於被指「無飯人妻」，她表示自己拿手煮西餐，而中菜會與奶奶一起煮：「廣東菜我冇咁拿手，可能奶奶煮三個，我煮一、兩個，（詐你型？）冇，其實好多時屋企都唔齊人，大時大節先一齊食。」她透露新婚後與奶奶及老公王祖藍妹妹住，問到有否婆媳糾紛？她說：「冇，佢（奶奶）個人好nice又搞笑，（得你兩個屋企唔會尷尬？）唔會，不過如果祖藍舅父（冼偉智）上就會有尷尬，因為我屋企着得好少布，背心短褲，會加番件外套。」