諸葛「風水屋」5年狂升3000萬

名模諸葛紫岐早於2010年年底和Neway太子爺薛嘉麟斥資三千萬元,買下九肚山寶松苑獨立屋作愛巢,該獨立屋屋苑連花園面積超過5千呎、坐擁沙田馬場景觀,背山面海,當時諸葛還未過門,只入住半年,已有人出價5千萬元洽購!入住以來,諸葛和薛嘉麟旺丁又旺財,不但生意愈做愈大,諸葛在去年更成立娛樂公司,該獨立屋名副其實為風水屋!

昨日,據地產界消息人士透露,諸葛的九肚山獨立屋再次有人睇中,出價高達6千萬元洽購!買入不夠五年已升值三千萬元,相當和味。據知諸葛對是否出售風水屋一事心大心細,不過由於二人已搬往港島半山居住,薛嘉麟不想空置該獨立屋,故有意賣出。昨日諸葛接受本報電話訪問,初時對出售獨立屋一事不願多談,只說:「係有人想買,賣唔賣我尊重同睇老公意思,佢話事啦。其他嘢唔講嘞,唔好意思!」