「梅媽」覃美金上周被業主成功收回跑馬地翠谷樓的單位後一直住院。昨日梅媽返回單位執拾物品，之後接受電話訪問時稱：「我依家要返醫院啦，我好頭暈，又氣喘要返去。（係咪喺銅鑼灣搵到新居？）搵到啦，咁又點？簽唔到，都冇錢。」梅媽曾向記者透露因家中物件太多，有傭人、侄仔和愛犬，至少要搵八百至九百呎的單位，但以梅媽現在情況有難度。
