王菀之爭３獎 豪言全攞

藝人王菀之（Ivana）2014年共有三部演出電影上映，《金雞SSS》、《Delete愛人》和《分手100次》，造就了她在電影上的認同，在「第三十四屆香港電影金像獎」中榮獲三個獎項中的五個提名，當中包括「最佳女配角」、「最佳新演員」和「最佳原創電影歌曲」，而最令她雀躍的更是以三部主演電影同時入圍角逐「最佳新演員」獎，令她呼聲高聳入雲，她則謙虛表示未看晒全部入圍作品，不能評論個人勝算。

提名猶如打強心針

問到最希望奪那一個獎，Ivana發揮搞笑本色說：「希望全部拎晒啦，如果有得揀梗係咁講，我就無謂謙虛嘞，講咋麻，講完之後無咋麻，冇嘢o架。如果落敗都冇辦法，但我都會透過媒體講我嘅感謝詞，總之希望有機會講出我嘅感受，多謝幫過我嘅每一個人。」

王祖藍與王菀之繼電視劇《老表》系列後再合作電影《Delete愛人》，默契十足。	王菀之在《分手100次》中對感情相當執着。	王菀之最有noise的電影是《金雞ＳＳＳ》，當中她的「北姑」形象令人眼前一亮。

適逢今年入行十年，Ivana坦言這些提名為她帶來了一支強心針，她說：「呢個數字對我來說好特別。係一個好意外嘅年份，好似啲星象連埋一齊，今年終於嚟到嘞。電影圈我係新入行，咁啱今年又係十周年電影獎項提名，我感恩、感激十年後今日仲有機會唱歌和演戲。」

蔡潔

張雪芹

感激伯樂祖藍君如

Ivana直言感到幸運，出道至今一直獲貴人襄助，電影上的百樂亦不止一個，她說：「舞台劇界伯樂係黃智龍導演，係佢哋開啟咗我對舞台劇嘅興趣，亦透過同佢哋不斷合作和演出，令我演技上得到學習和經驗，從中學識咩係演戲、咩係演技，令我愛上演出。」

Ivana直言王祖藍令她在入行十年後的今日仍覺得自己是適合在娛樂圈發展事業：「第二個伯樂係王祖藍，因為佢搵我演出劇集《老表，你好嘢！》，令好多人認識到我喜劇一面。」她續說：「佢係天使，喺一個時機突然敲我度門。佢冇放棄過我，如果我推咗唔演，佢都會等我，用耐性邀請我去做，對我有呢個信心和信任。佢哋視野闊大過我好多，反而係佢哋唔想我錯過咗機會。」她又感激吳君如、導演鄒凱光、鄭丹瑞、葉念琛等其他「伯樂」，大讚他們都有天使特質，善良而有耐性，並向她悉心教導，Ivana說：「我最希望佢哋覺係值得咁用我。」

最佳新演員入圍名單

王菀之《Delete愛人》

王菀之《分手100次》

王菀之《金雞SSS》

蔡潔《香港仔》

張雪芹《點對點》

採訪：影視組

化妝：Janice Tao@ZING the makeup school

髮型：Zing Wong@Hair Culture

服裝：mercibeaucoup、COMME des GARCONS@I.T

場地：彌敦酒店崇雲廳