陳慧珊繼續黑面拒受訪
前日陳慧珊（Flora）為無綫劇《波士早晨》拍外景時擺阿姐款兼黑面掟劇本，事件曝光後，Flora昨日一身將軍裝在電視城開工，拒絕做訪問的她背向記者近乎零交流之餘，連影單人照都拒絕，她說：「我唔需要影單人相。」最後只以大合照了事。
提到陳慧珊事件，同劇的黃智賢說：「要求高係好事嚟，為個戲好啫。（拒絕影單人相？）係咩？呢個我都唔知喎，不過我哋平時都有講有笑咩都講，溝通上完全冇問題，可能係佢角色比較嚴肅，畀人影到啲相話佢黑面，有誤會啫。」李佳芯則搞笑謂Flora拒訪，是間接提攜後輩有機會見報，那豈非自毀形象捧紅其他人？佳芯笑撐：「可能佢擔心套戲服咁快穿崩啫！」提到昨日眾人一身古裝打扮，黃智賢透露是劇集的噱頭，增添另類喜劇元素。