克勤靚聲王變鵪鶉
歌手李克勤昨日為新歌《你最重要》拍攝MV，負責作曲和監製的校長譚詠麟亦前來探班，譚校長表示唱這首歌需要有力量，與克勤以往的歌曲風格大不同：「今次要佢做鵪鶉歌手，跟我試一次！」
譚校長又大爆第一天錄音時，克勤的表情非常無奈，又不斷深呼吸。克勤則坦言因為不習慣：「真係好唔慣，成日都問佢使唔使咁大力唱呀！但今次出發點都係想有改變，好彩已經有心理準備要跟佢一次！」譚校長笑說：「唔只係當佢鵪鶉，係當佢蔗渣咁，好似榨汁機咁，榨到佢完全唔覺得有力量入面！」克勤亦透露錄音期間，兩小時內叫了三次外賣，譚校長說：「因為佢要食o野先有力，食咗一盒飯，兩個三文治呀！」