蔣怡冒險plan「B」
名模蔣怡為追求夢想，毅然放下香港的家庭，負笈倫敦圓學廚夢，還有兩個月便告畢業，夢想達成後，她已預備「找數」，將偕珠寶設計師老公翁狄森歐遊兼造人，但兩年前佗女時，曾患妊娠糖尿，故今次追仔隨時搵命博。
蔣怡與翁狄森拍拖13年，兩年前在南非結婚，並育有一女翁容，快將兩歲，由於女兒年紀尚小，故去年在理想與親情之間，一度有很大掙扎，最終因為翁狄森支持，她才得以踏上夢想之路，到倫敦攻讀「巴黎藍帶廚藝學院倫敦分校」課程，轉眼間，課程已完成了大半，若然一切順利，六月便告畢業，夢想達成後，她第一時間決定給老公「找數」。
有女自然恨仔
蔣怡日前趁復活節假期返港聚天倫，她說：「畢業後會同翁生去歐洲旅行，淨係我兩個，準備去造人。
（想追仔？）想畀個女多個伴，有個女自然想有個仔，咁樣完美啲，如果又係生女，包括埋我在內，屋企有三個女人，我諗翁生會頂唔順，哈哈。」
曾患妊娠糖尿
由於當年佗着翁容時，一度血糖過高，誘發妊娠糖尿，健康令身邊人為之擔心，故今趟計劃再度造人，有一定風險，但她表示不擔心，還笑說：「呢排學廚製好多甜品，整完唔止試食，係忍唔住全部食晒，因太鍾意食甜品，都冇再特別去驗血糖，應該冇事啩。」
髮型：Roy Yan @ Queen's Private i
化妝：Chris Chan @ Summer Shell
服裝：SLY
場地：HMV Central
文：名人組