蓋鳴暉認私鬥 陳豪挑機唱戲
藝人陳豪、蓋鳴暉（Joyce）、李司棋、陳智燊（Jason）及龔嘉欣（Katy）等昨日探訪長者及聽障人士，並宣傳新劇《水髮胭脂》，眾人愈玩愈癲，Jason慘遭整蠱，陳豪作狀為他剪新髮型，其他人湧上為他「按摩」，Katy更噴到Jason一面水，令他乸晒口臉！此外大會送上蛋糕，為本月16日44歲生日的陳豪提早慶祝，場面熱鬧！
陳豪及Joyce表示滿意劇集收視，Joyce笑言若收視達30點，陳豪將有激烈搞作，對此，陳豪說：「可能係表演唱大戲！」對於有指兩批fans在網上罵戰，兩人齊聲表示不會影響友誼，Joyce說：「由得佢，我拍攝時好開心，以前同陳豪合作佢好Cool，依家佢份人開朗咗，我哋成日鬥爛Gag！」
唔急追女
問到陳豪將如何慶祝生日？他說：「普通切蛋糕，同屋企人過，陪吓囝囝。」提到太太陳茵媺（Aimee）月初生日，陳豪表示安排很特別的節目，但賣關子不肯透露詳情，只甜笑表示是二人世界，問到送了甚麼？他說：「珍貴經驗同難忘回憶，總之係好大喜悅。（願望追番個女？）冇咁快，最緊要身邊人健康、開心先。」
Katy表示曾為好姊妹樂瞳理髮，對於樂瞳將疑似婚戒放上網，Katy笑言肯定是道具，因知她未有拖拍，提到兩人同樣單身，Katy表示不心急拍拖，反而曾做紅娘介紹好男仔給樂瞳，可惜未有發展。
文：影視組