軒仔飲蜈蚣屎蟲湯 以毒攻毒

歌手張敬軒、薛凱琪（Fiona）、許志安、洪卓立（Ken）、胡鴻鈞、許廷鏗、周柏豪及林欣彤，分別於前晚及昨日出席「饑饉」活動。軒仔全程赤腳體驗窮人沒鞋着的感受，又自爆早前疑因出席商場騷，被傳染變種鏈球菌令喉嚨生滿痱滋，故需服用兩種抗生素。病足個多月的他，更獲母親來港照顧：「佢煲埋啲蜈蚣湯、蟬退、屎蟲乾畀我飲。（照飲？）飲啲倒啲咁啦。（煲鞭補身？）有呀，鞭唔係吓吓嚟壯陽嘅，固本培元都得。（媽咪恨抱孫？）抱孫都唔係飲呢啲啦！」對於鄭希怡（Yumiko）B女留院NICU，軒仔表示：「有慰問佢，佢冇嘢唔使擔心。」而Yumiko昨晚在網誌公開一張女火柴人公仔吊墜並留言：「我出院先，你乖乖哋BB，養好身體再出院。呢個係Aunite Sa送畀你的禮物，你抖順條氣，返到屋企，我就幫你戴。」

薛凱琪 放龜惹是非

Fiona得悉軒仔被傳染病菌即說：「佢冇講喎，等我仲拖住佢跳舞，一陣我會唔會膝頭哥生痱滋o架？講笑啫。」提到之前被指好心做壞事，將淡水龜帶到海邊「放生」，Fiona親自解畫：「嗰隻係淡水龜嚟，我哋係去咗新娘潭放，我見好多留言話鹹親隻龜，放心係淡水嚟。」Fiona笑言為免再惹大家誤會，如再放生的話會改「放雀」，因得一個天空不會有錯。

軒仔與Fiona手拖手起舞。	許志安。	Yumiko上載吊墜照並留言期待囡囡養好身體出院戴上。
Fiona笑言為免惹誤會，下次放生改「放雀」。

許志安 冇再食雞髀

此外，安仔被重提當年饑饉偷食雞髀事件，他尷尬說：「大家唔提我都唔記得，唔好問喇。」而屙嘔大作的Ken坦言食錯嘢，記者笑言若換轉是其女友湯怡，即懷疑她「有喜」，Ken說：「唔驚，我都幾安全，我哋幾有計劃。」而身為「饑饉之星」的柏豪與林欣彤昨晚赤腳出席閉幕，兩人坦言沒有偷食，並進行敲鑼儀式。

文：音樂組