小齊嘆港人難減壓

任賢齊和謝安琪（Kay）昨晨出席單車百萬行活動，問小齊為何不帶一對仔女來玩？他謂：「本來都想，但擔心天雨路滑，小朋友技術唔夠怕炒車。」小齊稱很少和子女踩單車：「屋企附近多斜路，香港又好少地方畀踩單車，連公園都唔踩得，又唔畀放狗，又唔畀玩滑板，咁公園淨係畀人企喺度睇花？」
任賢齊和謝安琪分享湊小朋友心得。
任賢齊和謝安琪分享湊小朋友心得。

小齊說香港人工作忙，壓力大，政府應提供多些場地讓人減壓：「畀啲狗狗有多啲地方跑步，海邊都唔畀放狗，係咪香港政府唔鍾意寵物？」而Kay表示拍完通宵戲便直接到場，活動後會回家洗澡，之後趕返劇組繼續拍攝。

謝安琪拍完通宵戲趕到現場。
  • 謝安琪拍完通宵戲趕到現場。