陳慧珊擺阿姐款黑面掟劇本

前無綫花旦陳慧珊於1996年開始拍劇，之後火速躍升一線，並於2002年奪視后，2006年下嫁經理人鍾家鴻（Mike），翌年誕下女兒，自此減產，惟之後每逢復出拍劇，都例必有脾氣差及態度不合作的新聞傳出。未知是否因丈夫Mike於2012年破產，Flora不滿被記者連番追訪，自此經常對記者黑面。

最近Flora拍無綫新劇《波士早晨》再被爆擺阿姐款，早前已有工作人員爆料，指有次記者探班，Flora即板起口面，沒望記者一眼便拒絕對方拍照及訪問。昨日Flora與洪永城及趙希洛等到黃竹坑拍外景，Flora初時仍有笑容，但發現大批記者探班，即黑面神上身，以讀劇本為由行埋一邊，並轉身背向記者，擾攘約20分鐘後，導演嗌埋位，Flora嚴肅地回頭跟記者說：「做咗正經嘢先。」

陳慧珊一度以讀劇本為由拒受訪。	演陳慧珊前夫的黃智賢指對方拍戲很認真。（資料圖片）	陳慧珊結婚生女後就開始減產。

入香港大學讀博士

拍攝約10分鐘後，Flora在公關安排下現身讓記者拍照，但她懶理受訪要求，再走到一角刨劇本，令記者繼續呆等，期間心情欠佳的Flora被看到將手上的劇本大力丟落地，要勞煩身旁助導幫手執起，數分鐘後，Flora才勉為其難受訪。

Flora受訪時被問到劇中角色公私分明，現實生活是否也一樣認真？她冷冷地說：「我通常唔太講自己真人嘅嘢，感覺到係咩就係咩。（咁忙點照顧小朋友？）OK，有好好嘅人幫我照顧。（夠唔夠瞓？）點會夠，盡量抽時間休息，自己盡力調節。」她表示之前拍內地劇時會用視像通話，但女兒已開始獨立。

Flora又透露日前收到香港大學通知，指收了她讀博士：「終於可以達成願望，好開心，九月開學。（讀完書仲拍唔拍劇？）唔需要諗咁長遠，時間啱，其他因素啱，唔會話離開呢個圈子，始終我鍾意做戲。」她表示此劇是與無綫合約的最後一劇，因此是暫別作，但並非告別作。

黃智賢：佢有要求

在《波》劇演Flora前夫的黃智賢（Ben）表示昨午不在現場，故不知詳情，問是否Flora因太累而有脾氣？Ben說：「佢戲份重，工時又長，攰係可以理解！但佢對我又幾好喎！溝通冇問題，佢係個有要求嘅人，執戲執得好仔細，都係想套戲好啫。呢套劇係喜劇，拍得好開心。」

文：影視組