新模歐家裕 性感開心share
擁有42吋長腿的新進model歐家裕（Joe）去年加入名模Mandy Lieu旗下的模特兒公司，她是兩年前陪朋友試鏡反被選中簽約，誤打誤撞入行，26歲的她被譽為翻版李冰冰、蕭亞軒及周迅的混合版，Joe當然希望像周迅事業愛情兩得意：「我覺得自己側面似周迅，工作上我要努力啲。」Joe有學結他、拉丁舞，最愛打排球，更組排球隊參加比賽，笑言：「我鍾意追住個波，其實我都想玩足球，但冇女仔想踢。」文武雙全的她既有李冰冰動作的影子，又有蕭亞軒的歌喉，更有周迅的硬朗。
入行前Joe已認識傅嘉莉，大家同公司，視對方為榜樣：「我覺得佢好好成績，又拍劇，佢心地善良，係好聰明嘅女仔。」工作上，Jeo認為穿內衣行騷冇問題，可以健康性感：「狀態好更唔介意share畀人睇，但底線係三點不露，唔可以意淫。遇到《色，戒》湯唯嘅角色都可以接受。」已有發展中對象的Joe，鍾情聰明、有責任心，成熟穩重的人！
Profile
姓名：歐家裕（Joe）
年齡：26歲
三圍：32、24.5、35
高度：1米74
入行經過：大學畢業後陪朋友到模特兒公司試鏡，反而她被選中，最後簽了模特兒公司，向廣告界發展。