林建名38年後愛女接棒做仁濟主席
大少林建名昨日出席仁濟醫院第47/48屆董事局交代就職典禮，支持愛女林煒珊擔任主席，同場還有出任第四副主席的王賢訊，以及羅霖前夫劉坤銘。大少表示自己當年做主席至今相距已經38年，問到有何感想？他說：「我做主席一路發展、籌劃同拓建，起學校，喺教育及各方面都有成就。（有咩獎勵囡囡？）佢依家做緊嘅嘢都係我資助嘅，佢繼續做落去我都會資助。（女朋友唔陪你嚟？）今日冇女朋友。」
而劉坤銘被問到知否羅霖（Candy）將會出寫真，他說：「唔清楚，冇聯絡。（有第二春未？）等上天安排。（有冇見啲小朋友？）每星期都有同啲小朋友一齊。（知否Candy公司被捲入水貨生意？）唔知道，唔清楚。（佢被形容為美魔女？）冇乜comment。（佢重返娛樂圈會唔會祝福佢？）如果做對嘅事希望佢順暢。」
