香香靠打機connect童真
藝人岑麗香（香香）昨日出席網上遊戲活動，童心未泯的她拿着公仔合照賣萌，香香說拍劇容易投入角色致難於抽離，故打機正好有助她抽離減壓。
岑麗香昨日出席「Tsum Tsum Festival反轉又一城」開幕典禮，還即席率先試玩兩個遊戲，除大讚好玩外，更表示從遊戲中勾起不少童年回憶。香香說平時忙於拍攝工作，但餘暇不忘爭取時間打機，趁機輕鬆一番：「因為演員要投入角色，打機可以幫助自己抽離角色，特別係拍完啲喊戲同煽情戲，可以令自己唔諗咁多，放輕鬆一下。」
愛儲咕o臣
香香自稱不是沉迷打機之人，只是純粹玩樂：「我除咗睇劇本，一得閒都會玩吓。（男仔陪你玩會唔會加分？）其實呢個遊戲男同女都玩得，因為要connect（聯繫）o架嘛，同埋迪士尼遊戲好令人有童真感覺。」
隨後，香香表示沒有儲公仔的習慣，但十分喜歡儲咕o臣：「雖然要用好多位擺，但勝在實用，屋企都有四、五個。（會唔會出個肖像人形咕o臣？）唔使啦，我專注翻譯劇本先，有時間先再諗。」
一齊成功
談到商演工作，香香表示全權由公司負責和安排，有傳公司將給予徐子珊視后寶座，而令鍾嘉欣靠邊站？香香回應說：「其實好多人都有出劇，演員唔會知咁多細節嘢，只要觀眾欣賞到自己鍾意嘅演員就好。（壓力大咗？）公司會安排角色畀適合同啱嘅人，咁當然最理想嘅狀態係大家一齊成功。」
文：名人組