沈震軒老點吳若希
藝人沈震軒昨日帶同處男專輯到電台宣傳，他透露將自掏腰包購買過百隻新碟攞好意頭：「因為好多親戚住喺加拿大。」會否送給兩位緋聞女友吳若希及蔡思貝？沈震軒說：「佢哋都唔係我緋聞女友，佢哋自己買啦，不過有緋聞好過冇緋聞，喺劇中同蔡思貝係一對，都希望出嚟大家都覺得似一對。」
提到思貝跟另一緋聞男友羅仲謙五月再合作拍劇？沈震軒說：「知道，之前佢哋都合作過啦。」對於吳若希被網民批評在節目中「尖叫」，沈震軒力撐對方說：「之前同佢拍劇，覺得佢把聲好似男人好沉，叫佢可唔可以女仔番啲。（你點佢黑路？）都係o架。」並透露五月底會拍攝澳洲旅遊節目。