黃泆潼 阿肥扭腰破冰

香港著名組合廿四味成員阿肥（陳偉雄）、阿傑（梁永傑）、黃泆潼及Kevin Boy（李健宏）等前晚現身澳門新濠天地，出席澳門新濠天地「嬌比」Club CUBIC呈獻「正 Zeng All Star Launch Party」。適逢「嬌比」Club CUBIC開業4周年，將舉行長達一個月的慶祝活動，每逢周五、六都會邀請著名DJ打碟演出。當晚眾星齊齊上台打碟，現場還有工作人員拿着大量插滿煙火的香檳出場，全場樂迷亦high爆跳舞狂歡。

慎防鹹豬手

染金毛的黃泆潼穿上露背白色bra top及黑色緊身裙，在台上自high扭腰，而黃泆潼跟阿肥這對舊愛同場，兩人亦不避嫌合照。受訪時黃泆潼透露近年多了出席打碟活動，豬籠入水，但也曾在夜場遇上「鹹豬手」，問她如何解決？她說：「冇乜嘢可以做到，但一定要畀對方知道！依家訓練咗咁耐好醒目喇，知道咩人要防！」

談到感情，黃泆潼笑言自從跟阿肥甩拖後一直單身，當記者踢爆她之前有個穩定男友，她即笑言：「之前係有個，但依家係單身。（翻撻阿肥？）我鍾意外國人！（同阿肥同場會尷尬？）唔會，好番喇終於，搞咗咁多年，都有幾年冇講過嘢。」

放大圖片	眾星在「嬌比」Club CUBIC打碟演出。

飲醉齋傻笑

提到早前范振鋒涉及打架事件，問曾在夜場跟人發生碰撞的阿肥和阿傑有否留意事件？兩人均表示沒留意，並謂喝醉酒只會傻笑。提到去年與林珊珊細女李怡分手，問阿肥現時感情生活如何？他說：「我依家係single and available！（急拍拖？）唔急，都急唔嚟啦！」

而Kevin Boy透露有意轉型做歌手，更會推出新歌：「我同公司太陽娛樂講，問佢哋敢唔敢放膽畀我做，Paco就話睇吓點，但都好支持我！」

黃泆潼與舊愛阿肥同場，她表示當年分手後不是朋友，但現已冰釋前嫌。

工作人員捧着插滿煙火的香檳出場。