梁漢文祝Yumiko母女健康
梁漢文（Edmond）昨日到電台宣傳八月舉行的演唱會，對於好友Yumiko的BB因肺部問題而送到東區醫院NICU，Edmond說：「以我所知BB係冇事，大家唔使擔心，希望母女都健康。」
談到黎明成功在七日踢走十磅，Edmond說：「有睇報道，都有將報道keep喺手機，我都有食纖維素同排毒嘢，不過我做運動多。（食排毒嘢咪要攬住廁所？）咁又唔會，不過呢方面都好暢通。」他透露演唱會取名為「梁漢文紅館中場表演2015」：「自己都行咗四十幾年路，喺樂壇亦行咗廿幾年，騷後就係揭開我嘅下半場。（開幾場？）兩場，因為冇期。（加中午場？）唱死人咩？睇吓賣成點啦。」並笑指希望唱多十幾年退休。