劉錫賢反對照搞亞生亞姐
前亞視藝人鮑起靜昨日重臨亞視，她直言百般滋味在心頭，問她會否擔心亞視不夠資金繼續營運？她說：「會，冇新資金入，估計做多幾個月啦，仲要計埋遣散費！」她亦透露「A記同學會」在5月會有聚會，到時會與舊同事傾傾。鮑姐直指亞視不獲續牌屬嚴厲處分，亦是香港電視業的第一次：「如果唔係佢（王征）扭擰，未去到咁嘅地步，會有人接手，連政府都覺得太被動。」
亞視藝人劉錫賢則仍在考慮今日會否返回亞視取票，他直言：「返嚟都唔知做咩！」有傳亞視若找到贊助商，有意舉辦新一屆亞生、亞姐選舉，劉錫賢謂：「佢哋想係咁！搵到贊助又點，唔係淨係搞，仲要有好多人手去做。」他又慨嘆：「不如早啲完咗佢。（對目前結果感無奈定係怨恨？）都有，無奈嘅係冇諗過亞視會有呢一日，怨恨嘅係因為一個人令亞視搞成咁。（王生負最大責任？）一路都係！」又將亞視比喻成癌症病人：「唉，依家睇吓個醫生幾時幫個『癌症病人』拔喉啦！」
