泳兒喪跑強身
潮人徐濠縈（阿徐）、歌手泳兒、張惠雅（Regen）及AGA日前齊參加10公里馬拉松賽事，Regen打破個人最佳成績，以1小時01分跑畢全程，但她未感滿意：「可以再快多一至兩分鐘，可能嗰晚太熱、濕度太高影響咗表現。」她封以49分鐘跑畢全程的阿徐做偶像，直言想拜阿徐為師。
泳兒在電話中透露因只練跑一星期，在練習不足下，只跑出1小時05分時間，而三年前曾在足夠的練習下，試過以50分鐘跑完10公里。問可會繼續練跑？她說一定會，並謂要多做運動強健身體：「上年身體太差，好多病，加上嚟緊有新歌，又要唱又要跳，唔可以再打天才波，一定要鍛煉好身體同條氣。」
至於阿徐則謙稱未夠資格做Regen師傅：「做師傅？畀人笑呀，不如大家一齊努力練跑，大家都有好大進步空間，要搵個專業教練教至真。」