陳嘉容斥跟蹤低俗
曾與Alice B.同模特兒公司的名模陳嘉容，直斥Alice前男友已是成年人，不應以跟蹤這些低俗手法對待Alice，她說：「如果個男人繼續跟佢，我贊成佢報警。個男人唔應該死纏，大家都係成年人，既然已分手，就一定夾唔嚟，唔好再做咁嘅嘢。（有冇遇過咁嘅事？）冇，但試過有個前度分咗手後不停打電話畀我，一日打幾十次。」
另一模特兒Ana R.亦試過被前男友跟蹤，還跟她過美國，她說：「佢不停跟蹤我，仲跟我返美國，之後仲想攞走我護照，不過佢幾年前已同我道歉，所以Alice最好唔好理對方，等件事過去，愈理佢就愈唔放手。」
而與Alice同期來港的模特兒伍靜麗，呼籲Alice報警，以免有不必要事件發生，被問可遇過同樣事件，她說：「冇，但以前有個男友分手後鎅手，跟住影相傳畀我，所以我覺得大家應保持距離，畀時間沖淡傷痛。」