千嬅遭積木藏鞋阻外出
工作繁重的楊千嬅，忙得沒有時間陪伴老公丁子高及囝囝Torres，Torres為了引起千嬅注意及表達不滿，曾經悄悄放了尖尖的積木在她的鞋子裏，希望把媽媽留在家中。
歌手楊千嬅與老公丁子高、狄波拉及老公鬍鬚Kong等，前晚出席東華三院就職晚宴。千嬅透露之前開演唱會後已增磅近五至六磅，但近日又積極操弗，因六月將舉辦巡迴演唱會。問到會否與老公一同拍拖健身？她笑言不會，續說：「自己都有成個星期冇同佢食飯，因為最近忙住做電影宣傳。（老公一齊跟去做巡迴騷？）唔會，如果去澳門搞就會叫佢同啲朋友嚟玩吓。」
會跟住紅日放假
千嬅又透露囝囝Torres日漸長大，不太喜歡她外出工作。她說：「我之前要飛，佢放咗個積木喺我隻鞋度，仲要係最尖嗰款。（想你關注佢多啲？）由想生BB開始就知，唔可以忽略佢，放假要跟住紅日，作息都要跟足。」
拉姑不提鋒菲芝
而狄波拉（拉姑）則透露新年時與一對孫兒見過面，被問到兒子謝霆鋒女友王菲被指懷孕？她先裝作聽不到，及後反問記者：「你大肚？（等驚喜？）等咩驚喜，我等中六合彩，唔好再問我，我咩都唔會講，佢哋識做，我識做，大家都應該識做。」至於被問到前新抱張栢芝近日被指工作態度欠專業，拉姑即用手做出「封口」動作，拒絕回應。
文：名人組