Cecilia拒被包冇愛難有性

年僅21歲、擁34C上圍的「嫩口高海寧」向殷（Cecilia）近日成宅男新寵，原來她在16歲時已自立搬家自住，面對複雜的娛樂圈，她有骨氣斷言：「我唔接受出席古怪飯局，一切都靠自己！」談到高海寧，自信滿滿的Cecilia認為比對方年輕，日後大把世界。

近日在微電影演爆乳Miss的向殷，因與無綫咪神高海寧外貌相似，加上擁有34C導彈上圍，成為宅男新寵。16歲已離家自立的她，雖跳身娛樂圈這大染缸，卻甚有骨氣表示：「我唔接受古怪飯局，雖然我好搏、好男仔頭，但我接受唔到無感情基礎嘅性行為。爸媽由細教我要靠自己，做人要有骨氣！」

喜愛小動物的她，因家中養太多狗被鄰居投訴，致要離家自立：「因為狗仔太嘈，有鄰居投訴，搞到被房署扣分，扣夠一定分數，就會全家無得住，所以扣咗第一次之後，我就決定一個人搬出嚟。為咗養嗰5隻狗、8隻貓，我呢個16歲嘅『未婚媽媽』要出嚟社會返好多份工！」

Cecilia自言是非一般o靚模，醉心演戲的她更喜愛演舞台劇：「我已第二次做舞台劇，今次智叔（廖啟智）、鄧萃雯、石修等前輩都有嚟，壓力比較大。做舞台劇係講究臨場應變，有時人哋甩咗或講錯，你就要即時接到，表演之前我哋都排咗成個月，所以出到嚟都滿意。」

因貌似高海寧而被人認識，但她矢言不比正版輸蝕：「我後生過高Ling，可愛啲同易接觸啲！不過我都好欣賞佢嘅努力，希望佢可以愈來愈紅！」本報致電高海寧，問有否留意Cecilia？她說：「成日都有人話似我，其實我個樣都好普通，唔回應喇！」

姓名：向殷（Cecilia，原名馮殷）

年齡：21歲

三圍：34C、23、33

身高：165cm

簡歷：2歲時曾與周潤發和夏文汐拍電訊廣告，入行後曾拍電影《澀青298-03》、微電影《我的女神Miss！》

攝：倪立煌、吳文聰

文：專案組

Cecilia拒被包 冇愛難有性