許志安舉鐵上癮 心郁考健身牌

歌手許志安、導演錢國偉、攝影師沈平林昨日現身csl.旺角旗艦店，出席「csl. Mobile Future專區開幕發布會」。昨日開幕儀式由CSL Mobile市場營銷總裁林國誠先生主持，同時公布全球首創手持拍攝穩定器SwiftCam推出的最新產品，並由點碩科技集團主席崔永昌介紹產品功能。開幕活動上，安仔指近年愛上了用手機拍片的樂趣，平時都會在社交平台上載相片，與粉絲分享生活和工作近況。

扮大師拍片

安仔又表示自己很喜歡看電影，亦常用手機為家裏的貓貓狗狗拍片：「平時會扮吓攝影大師，影吓啲生活片段！」談到將舉行的紅館騷踏入倒數一個月，他坦言已進入忘我時刻：「真係練到冇晒朋友，不過值得嘅。做埋今次演唱會，估計短時間內都唔會再做，我對上一次演唱會都係4年前啦！」

每日氹肌肉

安仔更充當自己的健身教練及營養師，每天做gym及排舞時間高達7至8小時：「35磅一個啞鈴，舉完第日起身個人好似腫晒咁，痛到不得了！每天出外工作前都會先吃一碗白飯及青菜，每天只吃烚肉跟烚菜，不可大魚大肉。（已達標準身形？）唔可以驕傲，啲肌肉要氹架！」近年跑步跑上癮的他，直認做gym操上癮：「如果有機會，都會考慮攞番個營養師同健身牌，自己有心得又鍾意！」

文：音樂組