袁潔儀怒轟王征搞「涼」心電視台
亞洲電視前日不獲續牌被判「死刑」，前亞姐袁潔儀昨在節目《娛樂審死官》亮相時爆喊當場，怒插王征之餘，更直言：「成件事『瘋』迴路轉！」前亞姐冠軍楊恭如眼見舊東家陷入「困局」亦大嘆：「亞視浪費咗個免費牌。」
亞洲電視前日不獲續牌，對於娘家只剩「一年命」，前亞姐袁潔儀昨日接受now TV節目《娛樂審死官》訪問時，眼紅紅坦言：「尋日喺廣州返嚟，收到好多朋友嘅短訊，又有好多消息傳出，見到話有新買家覺得OK吖，後尾又話唔係，成件事『瘋』迴路轉！」情緒激動的她更一度拭淚：「返咗亞視一年，新舊同事感情好好依家似各散東西！要慢慢用時間平復。」
她又鬧爆亞視高層王征：「我唔知佢想點，廣告成日話係良心電視台，想問佢一句係風涼個『涼』定良心個『良』？」仍接到下星期節目通告的她，表示以平常心面對並做好節目。
劉錫賢會留守
節目主持梁思浩亦喊至雙眼通紅，更呼籲外界不要戴有色眼鏡去看待亞視藝人。有份亮相節目的亞視藝人秦啟維亦慨嘆電視台近兩年不爭氣，雖然亞視是他畢業後首份工作，但自覺難再做演藝界，幸經營耳機生意維持收入，並表示為照顧留醫的嫲嫲花盡積蓄。
亞視忠臣劉錫賢昨接受電台訪問時，力指亞視高層未為續牌盡力：「因為係兩位股東爭拗搞到咁。尋日蘇錦樑局長都講，到依家都收唔到亞視提供嘅遠景方案，11月到依家成個電視台都係諗緊點賣盤，但冇為過個牌做啲咩。」他更明言會堅守合約，繼續工作。見證過佳視及亞視兩個電視台執笠的亞洲會會長魏秋樺，與劉錫賢在電台受訪時表示難過，更謂未來一、兩星期會有行動，為亞視爭取「復活」。
楊恭如感可惜
當年有份演出亞視經典劇《我和殭屍有個約會》，並轉戰內地發展多年的前亞姐冠軍楊恭如亦深感惋惜：「但我同以前喺亞視嘅同事好少聯絡，喺橫店拍戲多啲撞到。（《我》劇賣咗畀無綫？）係好事，可以畀更加多人睇到嘛，亞視係浪費咗個免費牌。」
亞視藝人蔡國威昨日如常主持六合彩節目，被問到三月薪金問題，威仔證實收到公司通知，可於六點後領取支票出糧，問到是否不滿長假前出糧？相信佢哋盡晒力！」問到何時回亞視取票？他說：「過埋假期先啦，依家拎咪又係八號先入到票。」
文：專案組