朱千雪聽星爺話 乜都做

演員王浩信、朱千雪、劉佩玥、苟芸慧等昨日為無綫劇集《EU超時任務》試造型，千雪頂替胡杏兒擔正「女一」演警察，她只覺緊張未感壓力：「角色公司安排，自己做好啲功課。」初做反派演「港女」的苟芸慧對被指因未能減磅變成大配角，她說情緒曾受影響，後選擇勇敢面對：「演員乜嘢角色都要做，星爺（周星馳）話嘅，千雪都好適合呢個角色。」而她最開心是最近做檢查，甲狀腺指數正常。
朱千雪（左起）孭飛做女一，跟王浩信、苟芸慧合作。
朱千雪（左起）孭飛做女一，跟王浩信、苟芸慧合作。

至於朱晨麗與單立文演夫婦，單立文笑言：「我覺得好似亂倫，上次佢喺《衝上雲霄II》做我個女。」王浩信指今次多新演員，望予觀眾一新感覺。

單立文與朱晨麗演夫婦，笑言感覺像「亂倫」。
  • 單立文與朱晨麗演夫婦，笑言感覺像「亂倫」。