基仔做設計師搵周慧敏省招牌
身兼數職的古巨基既忙於錄製新專輯，又要籌備全國巡迴演唱會及電影宣傳，私下又要處理蛋糕店和服裝店的生意，據知基仔是首位藝人設計師獲邀參與4月13日舉行的上海時裝周，基仔更出動人情牌找來老友周慧敏（Vivian）為其時裝店abc旗下兩個品牌做model，首次到內地行騷的Vivian更是分毫不收，她說：「希望同好友一齊去完成喺時尚界嘅第一次，留下美好嘅回憶，先係無價。」
親自度身讚弗爆
Vivian日前到基仔設計工作室進行度身，不敢怠慢的基仔親自為Vivian度身，更大讚Vivian得天獨厚，身材十年如一弗到爆，基仔又爆Vivian向來不會節食，又少做運動，他說：「佢嘅模特兒身材真係羨慕死好多女士。」Vivian即自爆保養秘訣：「我估係因為均衡飲食同心境開朗啩，雖然我唔節食，但都算食得健康，絕對唔會揀飲擇食，而且保持樂觀可以抗氧化，我估o架咋，哈哈！」
首次到內地行騷的Vivian有甚麼準備？她笑言：「等Boss Ku（即基仔）指示，需要我做乜都會盡量配合！」基仔得知女神任他「舞」即笑說：「咁我就唔客氣喇。」基仔為Vivian設計的服飾會超性感嗎？Vivian聽到超性感三個字，即瞪大眼睛，基仔以搞怪的笑容說：「性感定感性，到時你就知！」
文：音樂組