唐紫睿獵食 最冧Parma Ham

擁有模特兒高挑身形的藝人唐紫睿（Hazel）面對美食同樣忍唔到口，至愛巴馬火腿（Parma Ham）的她經常四出獵食，務求食盡天下間各種各類的巴馬火腿！她的是日推介就是「巴馬火腿餅乾條」，配上清新沙律及特製醬汁，令巴馬火腿專家Hazel不禁流晒口水兼大讚好味，更落力開心Share美味火腿：「我好鍾意食鹹嘢，Parma Ham配紅酒就最match。今次食嘅配搭都夾得好好，火腿味淡淡哋，加上脆餅乾條，食好多都唔厭。其實我可以一個人食晒100g，之前嘅男朋友同我細妹都喺我感染下而鍾意食，有時我買咗包Parma Ham放落雪櫃，細妹會偷食，搞到我冇得食。」
唐紫睿
唐紫睿

食得又煮得的Hazel更鍾情下廚，她的拿手小菜就是外表平平無奇的蒸肉餅：「其實蒸肉餅好有竅門，火候、材料都好講究，最重要係用碟蓋住肉餅，啲蒸氣先唔會滴落去肉餅上面，肉質先唔會變老。」

唐紫睿推介的「巴馬火腿餅乾條」，果然非常吸引。
  • 唐紫睿推介的「巴馬火腿餅乾條」，果然非常吸引。