馮寶寶哭別邱德根
亞視前老闆邱德根上周二因病逝世，享年90歲，其家人昨午在香港殯儀館為他進行公祭。邱德根太太的學生在靈堂內唱告別歌，其後進行大殮儀式。據知邱德根遺體暫存放殯儀館，再擇日在港進行土葬。
謹記恩惠眼紅紅
昨日的儀式有約百人參與，當中不乏政商界及娛圈名人，包括邱德根契女黎燕珊、汪明荃、朱慧珊、馮寶寶、鮑起靜、徐小鳳、鄺美雲及英皇老闆楊受成等。有腰傷的馮寶寶坐輪椅現身，在工作人員協助下進場，她離開時神色哀傷，提到與邱生的回憶更失控落淚：「好掛住邱生！佢係好勤力嘅人，佢好人性化，最後見面喺前年，邱生每年生日，我都會封利是畀佢。」鄺美雲亦眼紅紅受訪表示：「希望佢往生極樂，佢有教誨叫我勤力做嘢。」徐小鳳離開時神色凝重，搖頭表示不願多談。
日後交代「白武士」
邱德根次子邱達昌受訪時為父親平反慳儉傳聞：「ATV年代爸爸出名慳，其實佢係慳自己，當時屋企唔係好有錢，大概幾十年前知荃灣人口開始膨脹就做醫院，即係今日嘅仁濟醫院，仲培育咗3、4萬學生，佢為社會做咗好多事，值得做仔嘅學習。」問會否做亞視的「白武士」？他說：「日後會有交代，但爸爸之前知亞視冇糧出，覺得員工好慘，有提議不如拎幾百萬去亞視派，我阻止咗佢！」
文：影視組