鄭嘉穎：歌手要顧形象

鄭嘉穎前晚請劇集《天眼》的台前幕後工作人員睇結局食飯，出席的有羅蘭、楊秀惠、謝雪心等。講到劇集《殭》被指抄襲《我和殭屍有個約會》等劇，有份拍攝的嘉穎即笑笑口話：「不嬲都係咁，唔係呢套先開始，當然有少少類似就梗有，出來內容唔一樣咪得囉，大家唔需要大驚小怪，慣啦！好正常。」

黎耀祥少NG

對有份拍《殭》劇的謝安琪（Kay）因為貪靚而食NG，搞到陸永黑面，嘉穎顯然很體諒Kay：「佢係歌手，比較顧及形象，佢哋唔係全職演員，只係客串，我又冇見過陸永黑面，我都成日NG啦，有咩出奇？NG最少就是黎耀祥。」因他曾與黎耀祥拍《飛短留長父子兵》，對方不曾NG，嘉穎笑言：「全TVB得一個黎耀祥！」

謝安琪指拍劇合作愉快。

鄭嘉穎（後排中）昨晚邀請台前幕後食飯睇《天眼》大結局。

唔介懷新聞

至於Kay昨日出席活動提到今期《好報》踢爆拍劇時頻頻NG，她說：「新聞嘅嘢唔太介懷，我都拍過好幾套電影，總之拍劇好順利同相處得好好。」而羅蘭姐被問到有指李司棋去年約滿無綫後無聲息地退了休，羅蘭姐表現驚訝：「好嘥！佢咁好戲，做咩退休？我覺得可惜，我同修哥（胡楓）都未退休啦。」

文：名人組