袁嘉敏攝太歲強勢回歸

自電影《鴨王》宣傳期結束後，袁嘉敏就開始「避世」，期間被傳情緒不穩兼暴肥，她昨日宣布強勢回歸，谷行四吋事業線任剪綵嘉賓，但卻不慎露出粉紅胸墊。

談到早前被拍得在街頭遊走，Candy否認情緒有問題：「錯覺啫，我自己住冇工人，去洗衫好正常，加上屋企兩邊打緊樁，我有時六點就起身跑步。（話你口腫面腫。）角度啫，我體重10年都冇變過，本身面圓囉。」

斟拍港產片

Candy謂《鴨王》出影碟後，內地觀眾反應相當不俗，有不少商演活動邀她出席。

接受電子媒體訪問時，Candy透露有人向她問價，事後她接受電話訪問說：「一直都有，透過短訊或社交平台搵我，有試過出價幾十萬叫我陪佢食飯，見到呢啲我唔會覆。不過人哋對你有興趣，總好過叫你行開。」

Candy續說，目前正洽談拍兩部港產片，問是否要繼續性感？她稱：「有咁嘅元素，但香港唔係咁多露點戲。」再問會否擔心再開工是非即湧至？Candy笑謂：「我第一次學人攝太歲，我屬鼠，上年係小人是非年，希望今年重新出發。」

文：影視組