羅仲謙自認愛得高調
劇集《衝線》男主角羅仲謙前晚自掏荷包邀請幕前幕後食飯，藝人溫家偉、蔡思貝、周志文、陳奐仁等出席，吳若希（Jinny）因在澳門工作，未能到場。Jinny前日上載與神秘男的遮面親密照，被指是緋聞男友溫家偉，問溫家偉是否公開戀情，他開心地說：「冇嘢公開，我哋好friend，好傾得埋。可能我哋都係外國返嚟比較親密，我啲外國好朋友都係女仔，見面都會錫同擁抱。」
溫家偉了解傷勢
羅仲謙對於拍檔傳緋聞，他說：「我都要問吓點解大隻仔唔帶女朋友？哈哈，等佢自己澄清啦。」何時輪到他與女友楊怡高調？阿謙說：「我咁樣仲唔明顯，畀條生路行吓。」
另外，昨日Jinny母親踩單車發生意外而入院，溫家偉昨在電話透露聯絡過Jinny了解吳母傷勢，並哀傷說：「我唔方便講，始終都係佢屋企嘅事。（咁會唔會去醫院探佢？）我會畀啲空間佢（吳若希），同埋我唔想件事focus落我同Jinny度。」曾與Jinny傳緋聞的周志文表示有向Jinny致電了解：「我哋有通電話，聽得出佢好擔心，但又唔想我哋擔心。」而分屬同門的歌手許廷鏗說：「我有私人send訊息畀佢，但未覆，可能煩緊媽媽做手術嘅事，希望Jinny keep住硬淨。」
