陳家樂揀靚頭盔 沈震軒注重維修

不少圈中人對於吳若希（Jinny）的母親因單車意外而昏迷一事十分關注，Jinny的《衝線》拍檔沈震軒聞訊後表示很震驚及憂心。在《衝》劇中，踩得一手好車的沈震軒原來去年拍攝劇集《使徒行者》期間曾炒單車出事，當時更因以右手撐地令到手腕骨裂。

「摸熟架車先揸快」

沈震軒憶述說：「嗰時因為架單車太專業，自己又未摸熟架車，就咁出事，所以真係要熟啲先好揸快！同埋要注意單車維修，Check吓個Brake同埋車胎！」

藝人陳家樂去年拍攝以單車為題的電影《破風》，亦因單車爆胎而出事，當時更出現短暫失憶，導致左邊鎖骨出現兩處骨折。對於吳母炒單車一事，家樂表示非常擔心：「希望佢吉人天相冇事啦！依家我都感同身受，知道我出事嗰陣，家人有幾擔心！不過嗰時朋友都話我好彩，因為當時戲組提供嘅配套非常專業，我戴嘅係專業頭盔，雖然落地嗰吓裂咗，但都卸咗好多力！我估今次Auntie用嘅頭盔應該冇我上次用嘅厚！」他又謂遇事時應盡量抱頭減低傷害。

陳家樂去年傷致左邊鎖骨出現兩處骨折。	沈震軒表示要注意單車維修，並要檢查車胎和煞車掣。	黃德斌曾被拍到夜晚與友人踩單車。

黃德斌愛踩夜車

而黃德斌堪稱單車發燒友，愛相約女友或好友晚上踩單車夜遊兼練氣，昨日他出席活動時表示政府應向所有道路使用者灌輸正確使用道路的意識，以免意外發生：「我諗所有道路使用者都要注重自己及他人安全。（踩單車有冇遇過危險？）有啲駕車人士覺得條路係我嘅，忽略單車人士嘅權利，政府應該正視呢樣嘢，橫掂香港地方淺窄，空氣又差，仲畀咁多汽車喺街行？係咪應該諗吓點樣推廣踩單車。」

文：專案組