子丹加操鬥泰臣 汪詩詩戥佢驚
「宇宙最強」甄子丹太太汪詩詩和妹妹汪圓圓、表妹湛琪清及歌手梁漢文太太林文慧（Karen）昨日一同出席皮具品牌活動，提到子丹即將與泰臣開拍電影《葉問3》，詩詩表示得到此消息時很驚喜：「見到泰臣嘅挑機片都戥佢驚，（買定跌打酒幫佢捽？）會呀，（煲湯畀佢？）煲湯都唔夠，泰臣咁大隻，（子丹操練緊？）係呀，秘密操緊啦。」
至於今天生日的圓圓度過榮升媽媽後的首個牛一，感覺特別，她指希望聽到囡囡識嗌媽媽當生日禮物。而早前曾患乳癌的Karen則表示勤做運動和保持心情愉快，是維持健康的重要元素，現時仍定期覆診。