奧巴馬弟義助兒童 音符送暖
美國總統奧巴馬同父異母弟弟馬克（Mark Obama）來港演出，更專誠創作一首集中國、香港及美國三地著名旋律的歌曲，進行文化交流。他更透露將與名媛趙曾學韞到家鄉非洲進行慈善探訪，為善不甘後人。
名媛趙曾學韞（Alice）前晚舉辦《善學好友慈善演奏會》，更請來美國總統奧巴馬同父異母的弟弟馬克（Mark Obama）、歌手李蕙敏、韋綺姍、湯寶如等擔任表演嘉賓，星光熠熠。Alice透露全院滿座，並得到善長仁翁捐出50萬元，續說：「同時都好多謝錢國偉擔任監製，大家做慈善不遺餘力。」
為演奏會作歌
專誠來港的Mark，透露將在港逗留數天，及後返回內地。他坦言很榮幸受到Alice的邀請，自己亦為演奏會籌備多時，更專誠創作了一首很有意思的歌曲。他說：「歌裏面包含咗中國、香港同美國三個地方，每地各一首好著名嘅歌嘅旋律，諗住考吓啲小朋友，最先認得晒三首歌嘅小朋友，我就會送禮物畀佢。音樂係世界語言，Alice真係好有善心，幫助好多人。」
要靠團隊力量
他透明自己將繼續與Alice合作，幫助世界各地需要幫助的小孩。他續說：「我喺肯亞出世，美國長大，後來去中國住咗14年，所以可以話有三個國籍、三種文化。所以我好想幫助唔同地方嘅小朋友，好似非洲咁，嚟緊Alice都會帶醫生去非洲，幫助當地有兔唇同有眼疾嘅人。而我就着重文化同音樂交流，希望可以畀非洲嘅小朋友玩古箏、內地小朋友彈鋼琴。（會唔會親身上陣教佢哋？）唔係一個人可以做得晒，要靠團隊嘅力量，所謂『三人行必有我師』。」
文：名人組